西澳 靓景篇│人气粉红湖+即捕即食龙虾 @Travel佳

leixue P嘉生活 2020-08-03 阅读(436) 评论(93)

(Presented by Tourism Western Australia)

去 西澳 ,好多人主要玩珀斯,但係其实只要搭一个钟内陆机、驾车,又或者想懒嘅跟local tour,即刻可以去珊瑚海岸(Coral Coast),沿岸玩尽几个热点!我Travel佳今次就想同大家亲亲大自然,净係睇超梦幻粉红湖、近距离接触尖峰石阵沙漠、跟渔夫出海即捕即食新鲜爆灯嘅龙虾,上山下海落湖玩尽5大推介,已经可以玩足几日!锺意睇靓景、影靓相、食海鲜嘅朋友啱晒!

1 西澳 劲梦幻粉红湖

有「粉红湖」之称嘅赫特潟湖Hutt Lagoon(Pink Lake),係位于珀斯以北Geraldton嘅Port Gregory,面积2,500公顷,就算坐飞机喺高空都睇到呢个一片嫩粉红色嘅湖泊,梦幻到晕!

西澳 靓景篇│人气粉红湖+即捕即食龙虾 @Travel佳
粉红湖 x天空之镜!靓到癫咗!
西澳 靓景篇│人气粉红湖+即捕即食龙虾 @Travel佳
粉红湖旁设有一条路可以慢慢行,踩下单车、影下相。

究竟点解赫特潟湖会呈粉红色?原因係呢个湖嘅盐分浓度高达60%,鹹度比一般湖、甚至海水仲要高。而且水中有「杜氏盐藻」,呢种海藻好锺意盐(而只有呢种藻类先可以喺咁鹹嘅湖生存到),亦因为佢含丰富胡萝蔔素,所以就会将湖水染成粉红色或红色;再加上高温同充足阳光,湖水睇起上嚟更加似胭脂咁靓嘅粉红色。

想一睹粉红湖嘅惊艳,可以喺湖边行住睇;想豪啲,跟local tour坐飞机睇亦得!

Geraldton Air Charter 粉红湖空中观光导览

地址:Gordon Garratt Drive, Geraldton Airport, Moonyoonooka, Western Australia 6532

网址

西澳 靓景篇│人气粉红湖+即捕即食龙虾 @Travel佳
有人形容粉红湖为「海滩夕阳」,因为天係蓝、水係粉红,就好似上下颠倒嘅效果。
西澳 靓景篇│人气粉红湖+即捕即食龙虾 @Travel佳
乘坐小型飞机,可以由另一角度欣赏粉红湖,高空望落去一格格嘅「田」,就係正在提炼胡萝蔔素做天然红色素。
2 做半日渔夫即捕即食龙虾

粉红湖一般玩半日就够,咁其余时间做乜好?我Travel佳帮你plan埋喇!就係去杰拉尔顿(Geraldton)码头,跟local tour出海做渔夫、捉龙虾!有经验丰富嘅渔夫带住实有收穫,喺船上马上就歎即捕即烧嘅龙虾,够晒生猛新鲜喇啩!依家呢个季节啱晒喇,因为到澳洲夏天可能会遇着渔夫维修船只,就无得出海!

Batavia Sea Safaris

地址:Geraldton, Western Australia

Facebook:Batavia Sea Safaris

西澳 靓景篇│人气粉红湖+即捕即食龙虾 @Travel佳
西澳Coral Coast盛产野生龙虾,跟渔夫一齐出海捉龙虾,就可以食到最新鲜生猛嘅龙虾。
西澳 靓景篇│人气粉红湖+即捕即食龙虾 @Travel佳
净係个龙虾身都大过块面呀!
西澳 靓景篇│人气粉红湖+即捕即食龙虾 @Travel佳
捉完龙虾,就喺船上即烧即食,超正!
3 天然大窗睇Kalbarri国家公园

如果锺意睇奇岩怪石,卡尔巴里国家公园(Kalbarri National Park)肯定满足到大家,由Geraldton开车都只係一个钟。呢度唔单止睇到环迴360°大峡谷全景,仲可以欣赏有400万年历史嘅岩层!而最高人气打卡影相热点,一定非自然之窗(Nature’s Window)莫属。顾名思义,佢就係一个由天然风化而成嘅「大窗」,由一层层岩层形成,从中间「窗口」望出去就係雄伟嘅峡谷山河,构图壮丽!

西澳 靓景篇│人气粉红湖+即捕即食龙虾 @Travel佳
由自然之窗望出去嘅壮丽景致,好有画中画嘅效果。
西澳 靓景篇│人气粉红湖+即捕即食龙虾 @Travel佳
由自然之窗睇到环迴壮阔嘅大峡谷全景。
西澳 靓景篇│人气粉红湖+即捕即食龙虾 @Travel佳
脚下嘅山河一样咁有气势!

睇完自然之窗,不妨行埋布尔达木道(Bigurda Trail),因为呢条步道可以睇到公园西岸嘅Coast Cliffs。沿住呢条海岸线慢行,沿岸集中咗多种奇石,旁边亦会有峭壁悬崖,步道有多条路段,分1星至5星程度,行咩星就视乎自己能力同体力,校啱时间仲可以睇埋日落!

西澳 靓景篇│人气粉红湖+即捕即食龙虾 @Travel佳
沿住Bigurda Trail行,睇到嘅奇石,可以话係目不暇给。
西澳 靓景篇│人气粉红湖+即捕即食龙虾 @Travel佳
Kalbarri国家公园必睇景点:Island Rock,行呢条步道都可以睇到!
西澳 靓景篇│人气粉红湖+即捕即食龙虾 @Travel佳
Bigurda Trail有好多路段,当中1星程度相当易行,风景又靓,全程非常舒服。
西澳 靓景篇│人气粉红湖+即捕即食龙虾 @Travel佳
成条步道包含咗1星至5星路段,拣路线之前,一定要视乎自己能力同体力。
Kalbarri National Park

位置:Kalbarri Road, Kalbarri WA 6536

收费:私家车澳元$12,最多可一行12人入场

开放时间:9:30am – 4:30pm

网址:parks.dpaw.wa.gov.au/park/kalbarri

4 Pinnacles怪石阵沙漠之旅

真係估唔到西澳都有沙漠,而且仲係由成千上万石柱组成嘅怪石阵!讲嘅就係尖峰石阵沙漠(Pinnacles Desert),由珀斯开车上Geraldton,中途就会经过。或者可以参加一日local tour,体验一下又得。

西澳 靓景篇│人气粉红湖+即捕即食龙虾 @Travel佳
Pinnacles Desert怪石阵嘅石柱,足足有成千上万座咁多!
西澳 靓景篇│人气粉红湖+即捕即食龙虾 @Travel佳
一片沙漠上高高低低嘅石柱,远睇有啲似月球表面。

石阵最大特色係大部分石柱都有锋利嘅尖顶,比较高嘅石柱尖塔有3.5米高,其余一般高度同人差不多,一个个人穿插其中画面好得意。远观黄沙荒漠中嘅尖峰石,气势十足。如果细心留意,部分尖塔上仲有个蘑菇形缺口,原来係被钙质结砾岩封盖的残留物。唔讲唔知,呢啲石柱会一年比一年矮,想去睇呢个奇景真係要把握时间!

Nambung National Park

位置:Nambung National Park, WA 6521

收费:私家车澳元$12,最多可一行12人入场

开放时间:9:30am – 4:30pm

网址:parks.dpaw.wa.gov.au/park/nambung

西澳 靓景篇│人气粉红湖+即捕即食龙虾 @Travel佳
日落时分magic hour之下嘅尖峰石阵,又有另一番味道!
5 歎新鲜即烧龙虾

西澳Coral Coast地区盛产龙虾,而且仲係全野生,够晒鲜味弹牙,嚟到点可以唔擦餐劲!尖峰石阵沙漠附近,就有一个好出名嘅Lobster Shack龙虾工场,参观工场运作之余,仲可以食龙虾餐!如果参加尖峰石阵沙漠一天团,个团仲会包埋去!由珀斯开车去Geraldton,呢度亦係必经之路,去Lobster Shack食个lunch都唔错。

西澳 靓景篇│人气粉红湖+即捕即食龙虾 @Travel佳
Lobster Shack嘅烧龙虾每日新鲜即捕,既鲜味又大大只啖啖肉!
西澳 靓景篇│人气粉红湖+即捕即食龙虾 @Travel佳
去到Lobster Shack,除咗食烧龙虾,仲可以参观龙虾集散出口工场,睇下一只只龙虾点样磅重、包装。
西澳 靓景篇│人气粉红湖+即捕即食龙虾 @Travel佳
Lobster Shack嘅手绘龙虾好cute,同真身一样咁肥美。
Lobster Shack

地址:11 Madrid Street, Cervantes WA 6511

网址

前往珊瑚海岸(Australia’s Coral Coast)

‧由珀斯坐内陆机(机程约1小时)

‧由珀斯驾车约5小时

香港飞珀斯

‧国泰航空(直飞珀斯)

‧新加坡航空(新加坡转机飞珀斯)

‧泰国国际航空(曼谷转机飞珀斯)

西澳旅行团

Sightseeing Pass 尖峰石阵沙漠一天游

Adams Pinnacle Tours 亚当尖峰之旅

Western Safari 粉红湖3天游

SIA Holidays 粉红湖、自然之窗3-7日导赏游

更多西澳洲旅游资料

本文链接:http://www.msc9913.com/info_314439.html

上一篇: 下一篇:

相关推荐