西澳州大自然之旅 卡尔巴里国家公园篇Travel佳

leixue E泰生活 2020-08-03 阅读(871) 评论(82)

(Presented by Western Australia JP)

眨下眼已经到咗2016年,话咁快又话过农曆新年喇,唔知大家呢个冬天有无出去旅行咁呢?Travel佳知道有啲朋友唔锺意去旅行冻冰冰,带厚衫怕麻烦,所以冬天反而选择去南半球避寒,咁首选梗係澳洲啦。除咗大热嘅悉尼、墨尔本呢啲城市,其实西澳州都好正㗎,我见喺新一年,唔少旅行社都主打西澳州嘅团,早排连电视都有旅游节目介绍西澳州,Travel佳见到,都勾起唔少去西澳州玩嘅回忆。

卡尔巴里国家公园5大必睇位

西澳州好多嘢睇,我唔敢话好熟路,但比较出名嘅地方都去过下咁啦,Kalbarri National Park就係其中之一。呢个公园入面有好多奇特地貌,全部都係纯天然形成,公园西面海岸嘅风景更加係出名壮观。Travel佳印象中都有几个好值得去嘅地点可以介绍下。

    自然之窗Nature’s Window

呢个景点位置大约喺公园嘅正北方,可以话係去Kalbarri National Park嘅指定影相位。听个名都知,佢就好似一个大自然嘅窗口,through佢去欣赏宏伟嘅峡谷、壮阔嘅河,真係另有一番风味㗎。如果你係影相友,留夜少少喺度哺埋个银河景,应该都会好正。

西澳州大自然之旅 卡尔巴里国家公园篇Travel佳
呢个咁嘅view真係人生几何啊,喺度自拍一张放上网呃Like,真係无得输。
    布尔达木道Bigurda Trail

头先提过嘅公园西岸就係呢个Kalbarri Coast喇,基本上好多奇石、悬崖地貌都集中喺呢个海岸。最正嘅係当局好有心思,沿住海岸最贴近悬崖嘅安全位置,整咗一条行人路,就係Bigurda Trail,平坦到玩滑板都得呀!泊好车,沿住呢条咁正嘅路慢慢行,一边睇住印度洋无敌海景,一边行山散步当做运动,真係完美嘅享受。

西澳州大自然之旅 卡尔巴里国家公园篇Travel佳
咁嘅海景先可以用无敌嚟形容!

西澳州大自然之旅 卡尔巴里国家公园篇Travel佳

西澳州大自然之旅 卡尔巴里国家公园篇Travel佳
海岸上面铺得超正嘅就係呢条Bigurda Trail,又平又舒服,好好行,沿途风景好壮丽。

西澳州大自然之旅 卡尔巴里国家公园篇Travel佳

西澳州大自然之旅 卡尔巴里国家公园篇Travel佳
沿住Bigurda Trail行到呢个位,就係睇日落最佳位置之一。
    岛岩Island Rock

喺Kalbarri Coast嘅南面,就可以搵到其中一个奇观,Island Rock。睇下个样就知道佢无改错名,自然嘅风化侵蚀,令佢好似由悬崖分割咗出嚟咁样,变成岸边嘅一个岛,气势磅礡,睇住海浪拍打,真係会热血沸腾,心跳加速㗎。

西澳州大自然之旅 卡尔巴里国家公园篇Travel佳

    自然桥Natural Bridge

介绍得Island Rock俾大家,不妨讲埋呢条Natural Bridge,位置上佢哋好近嘅。同样,佢亦係纯天然无加工嘅一条「桥」,都係自然界鬼斧神工创造出嚟嘅奇观。风沙同海水净係侵蚀咗山崖嘅底部,上面仲係连埋一齐,睇落就好似桥咁,一样好壮观。

西澳州大自然之旅 卡尔巴里国家公园篇Travel佳

    鹰头岩Hawk’s Head

Kalbarri Coast正嘅位都讲咗几个,最后介绍一个喺公园较南面嘅地点啦,都係奇石之一,Hawk’s Head。呢个位你要由侧少少嘅角度睇,真係几似一个鹰头,君临天下咁望住眼前呢片峡谷一样,比起海岸边嘅奇石,又係另一种感觉,都好型㗎。

西澳州大自然之旅 卡尔巴里国家公园篇Travel佳

其实西澳州精彩嘅地方仲有好多,如果大家懒得plan自助游,都可以考虑下跟团,舒舒服服又睇到好嘢,我就望过下,金怡假期、康泰旅行社、胜景游呢几间旅行社嘅西澳州团,cover嘅景点相当唔错,大家可以留意下。

金怡假期

查询热线:2804 1188

精选西澳州团:8天珀斯深度游AP8TG

详情:goo.gl/1HjBcp

康泰旅行社

查询热线:2108 8888

精选西澳州团:西澳珀斯7天团QPE07-MZZ

详情:goo.gl/3PGkYi

胜景游

查询热线:2808 0833

精选西澳州团:西澳粉红湖、酒乡8天APA08(AL)

详情:goo.gl/0VqMT0

之后Travel佳都会分享多一、两篇,尽量将喺西澳州其他地方嘅见闻同大家开心share,记得密切留意喇。如果心急想自己研究下先,介绍你去西澳州旅游局同澳洲旅游局个网睇住先!

西澳州旅游局网页

澳洲旅游局网页

 

本文链接:http://www.msc9913.com/info_314440.html

上一篇: 下一篇:

相关推荐